Biləsuvar rayonunun uşaq bağçalarında 31 dekabr-Dünya Azərbaycanlılarının Həmrəylik günü və yeni il tədbiri keçirildi.

26 dekabr 2017-ci il tarixdə Biləsuvar rayonunun uşaq bağçalarında 31 dekabr- Dünya Azərbaycanlılarının Həmrəylik günü və yeni il tədbiri keçirildi.
Tədbirdə rayon  İcra  Hakimiyyəti Başçısı aparatının məsul işçisi Səbinə Hüseynzadə, məktəbəqədər  tərbiyə  müəssisələrinin rəhbərləri, bağçanın kollektivi və  valideynlər  iştirak  etdilər.
Tədbiri giriş sözü ilə Şəhər 2 saylı uşaq bağçanın müdiri Sara Hümbətova  açaraq 31 dekabr-Dünya Azərbaycanlılarının Həmrəylik günü və yeni il münasibətilə iştirakçıları təbrik etdi və  bağçanın fəaliyyəti barədə məlumat verdi.
Biləsuvar rayon  İcra  Hakimiyyəti Başçısı aparatının məsul işçisi Səbinə Hüseynzadə tədbirdə çıxış  edərək  qarşıdan gələn 31 dekabr- Dünya Azərbaycanlılarının Həmrəylik günü və Yeni il bayramı münasibətilə bağçanın kollektivini təbrik etdi və xoş arzularını bildirdi.
S.Hüseynzadə  qeyd etdi ki, Azərbaycan Respublikasının Prezidenti cənab İlham Əliyev və Heydər Əliyev Fondunun Prezidenti Mehriban xanım Əliyeva tərəfindən məktəbəqədər tərbiyə müəssisələrinə göstərilən xüsusi qayğının nəticəsidir ki, bu gün rayonumuzda  ən müasir tələblərə cavab verən bağçalar tikilərək istifadəyə verilmişdir.Bu bağçalarda uşaqlarin istirahəti və təhsili üçün hər cür şərait yaradılmışdır.
Sonra  S.Hüseynzadə bayram  münasibətilə bağça kollektivini və balacaları bir daha təbrik etdi.
Tədbirdə uşaqlar tərəfindən ifa olunan müxtəlif səpkili səhnəciklər, şer və mahnılar maraqla qarşılandı.