Azərbaycanın müstəqilliyi və ərazi bütövlüyünün qorunması uğrunda gedən döyüşlərdə şəhid olmuş hərbi qulluqçuların ailə üzvləri ilə görüşüldü

02 avqust  2019-cu il tarixdə Rayonun Nərimankənd kəndində Azərbaycanın müstəqilliyi və ərazi bütövlüyünün qorunması uğrunda gedən döyüşlərdə şəhid olmuş hərbi qulluqçuların ailə üzvləri ilə görüşüldü
Tədbirdə Biləsuvar rayon İcra Hakimiyyəti Başçısının müavini Ləman Yüzbaşova,Səfərbərlik və Hərbi Xidmətə Çağrış üzrə Dövlət Xidmətinin rayon şöbəsinin əməkdaşları, Qarabağ Müharibəsi Əlilləri və Şəhid Ailələri ictimai birliyinin nümayəndələri, ziyalılar, gənclər iştirak etdi.
Tədbirdə L.Yüzbaşova 2014-cü ilin 1-3 avqust tarixləri arasında Azərbaycan-Ermənistan təmas xəttində baş verən döyüşlər zamanı Azərbaycan  Respublikasının  müstəqlilliyinin, ərazi  bütövlüyünün  qorunub saxlanılmasında  xüsusi  xidmətlərinə  görə,  xidməti  vəzifələrini və hərbi  hissənin  qarşısında  qoyulmuş  tapşırıqları  yerinə  yetirərkən  Azərbaycan  Silahlı  Qüvvələrinin  qulluqçuları  gizir  Pərvin  Səlahəddin  oğlu Əliyev  və    kiçik  gizir  Rahil  Əfsər  oğlu  Hüseynov və  əsgər Anar Vidadi oğlu Qarazadə göstərdiyi qəhrəmanlıqlardan danışıdı.Bildirdi ki,  göstərdiyi qəhrəmanlıqlara görə Azərbaycan Respublikasının  Prezidenti cənab  İlham  Əliyevin  24  iyun  2015-ci  il tarixli  Sərəncamı  ilə  Pərvin  Səlahəddin  oğlu Əliyev  və    kiçik  gizir  Rahil  Əfsər  oğlu  Hüseynov  ölümündən  sonra  “Hərbi  xidmətlərə  görə”  medalları  ilə, əsgər Anar Vidadi oğlu Qarazadə Müdafiə  Nazirinin  əmri  ilə  ölümündən  sonra  “Hərbi  xidmətdə  fərqlənməyə  görə”  3-cü dərəcəli  medalı  ilə  təltif  olunmuşlar.
Çıxış edənlər Pərvin  Əliyevin,    Rahil  Hüseynovun və Anar Qarazadənin qəhrəmanlıqlarından danışdılar. Dövlətimiz tərəfindən torpaqlarımızın müdafiəsi uğrunda şəhid olmuş hərbi qulluqçuların şücaətinin heç vaxt diqqətdən kənarda qalmadığını, onların ailə üzvlərinin qayğı və problemlərinin daim diqqət mərkəzində saxlandığını qeyd etdilər
Sonra tədbir iştirakçıları şəhdlərin məzarlarını ziyarət etdilər.