Biləsuvar şəhidini torpağa tapşırıb
Bu gün şəhid Mahmudov Rəşad Rəşid oğlu doğulduğu Biləsuvar rayonunun Aşağı Cürəli kəndində torpağa tapşırılıb. Rayonun icra hakimiyyəti, Səfərbərlik və Hərbi Xidmətə Çağırış üzrə Dövlət Xidməti və digər dövlət strukturlarının rəhbər heyətləri, həmçinin şəhidin ailә üzvlәri vә rayon sakinləri kənd qəbiristanlığında keçirilmiş dəfn mərasimində iştirak edib.
Xatırladaq ki, iyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib. Düşmən hücumunun qarşısını alarkən baş leytenant Rəşad Rəşid oğlu Mahmudov şəhidlik zirvәsinә ucalıb. Mahmudov Rəşad Rəşid oğlu 02 iyul 1992-ci ildə Biləsuvar rayonunun Aşağı Cürəli kəndində anadan olmuşdur. C.Naxçıvanski adına Hərbi Liseyi bitirdikdən sonra təhsilini H.Əliyev adına Ali Hərbi Məktəbdə davam etdirmişdir. Ali Hərbi təhsilini başa vurduqdan sonra leytinant rütbəsində “N” saylı hərbi hissədə xidmətə başlamışdır.
Allah şәhidlәrimizә rәhmәt elәsin!
